തേഞ്ഞിപ്പലം:സമാധാനവും സൗഹൃദവും നിലനില്‍ക്കുന്ന അന്തരീക്ഷം രാജ്യത്ത് വളര്‍ത്തിയെടുക്കണമെന്ന് മുസ്‌ലിം പേഴ്‌സണല്‍ ലോ ബോര്‍ഡ് അഖിലേന്ത്യാ പ്രസിഡന്റ് മൗലാനാ മുഹമ്മദ് റാബിഅ് അല്‍ ഹസനി നദ്‌വി അഭിപ്രായപ്പെട്ടു. കാലിക്കറ്റ് സര്‍വകലാശാലാ ഇസ്‌ലാമിക് ചെയറില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. കേരളീയരുടെ അറബി ഭാഷാ താല്‍പ്പര്യത്തില്‍ അദ്ദേഹം സന്തുഷ്ടി പ്രകടിപ്പിച്ചു. ചടങ്ങില്‍ വൈസ് ചാന്‍സലര്‍ ഡോ.കെ.മുഹമ്മദ് ബഷീര്‍ അധ്യക്ഷനായി.  മൗലാനാ അബുല്‍ ഹസന്‍ അലി നദ്‌വിയുടെ 'മുസ്‌ലിം തകര്‍ച്ചയില്‍ ലോകത്തിന് എന്ത് നഷ്ടമായി'എന്ന പുസ്തകത്തിന്റെ മലയാള പരിഭാഷയുടെ പ്രകാശനം മൗലാന വാദിഹ് റഷീദ് നദ്‌വി നിര്‍വഹിച്ചു.