ദോഹ:  ലോക ഒന്നാം നമ്പര്‍ താരം ബ്രിട്ടന്റെ ആന്‍ഡി മറേ ഖത്തര്‍ ഓപ്പണ്‍ ടെന്നിസിന്റെ രണ്ടാം റൗണ്ടില്‍. ഫ്രാന്‍സിന്റെ ജെറമി ചാര്‍ഡിയെ നേരിട്ടുള്ള സെറ്റുകള്‍ക്കാണ് പരാജയപ്പെടുത്തിയത്. ആദ്യ സെറ്റ് 6-0ന് അനായാസം നേടാന്‍ മുറെയ്ക്ക് സാധിച്ചു. എന്നാല്‍ രണ്ടാം സെറ്റില്‍ ഫ്രഞ്ച് താരം മുറെയെ വിറപ്പിച്ചു. 6-6 എന്ന നിലയില്‍ ടൈബ്രേക്കറിലാണ് സെറ്റും മത്സരവും മുറെ സ്വന്തമാക്കിയത്. 2008ലും 2009ലും ഖത്തര്‍ ഓപ്പണ്‍ ചാംപ്യനായിരുന്നു മുറെ. മുന്‍ ഖത്തര്‍ ഓപ്പണ്‍ ചാംപ്യനായ ഫ്രാന്‍സിന്റെ ജോ വില്‍ഫ്രഡ് സോംഗ വിയര്‍ത്താണ് രണ്ടാം റൗണ്ടിലെത്തിയത്. മൂന്നു സെറ്റു നീണ്ടപോരാട്ടത്തില്‍ റഷ്യയുടെ ആന്ദ്രെ കുസ്‌നട്‌സോവിനെയാണ് സോംഗ മറികടന്നത്, സ്‌കോര്‍ 6-1, 4- 6, 6- 2.