റിയാദ്: മനുഷ്യാവകാശ ലംഘനത്തിനു പേരുകേട്ട കുപ്രസിദ്ധ ഗ്വാണ്ടനാമോ തടവറയിലെ നാലു പേരെ അമേരിക്ക സഊദിക്കു കൈമാറുന്നു. പ്രസിഡന്റ് ബറാക് ഒബാമയുടെ ഭരണം തീരുന്നതിനു മുന്‍പുതന്നെ ചിലരെ വിവധ രാജ്യങ്ങള്‍ക്കു കൈമാറാമെന്ന തീരുമാനത്തിന്റെ അടിസ്ഥാനത്തിലാണു പുതിയ നടപടി.
എന്നാല്‍, കൈമാറപ്പെടുന്ന തടവുപുള്ളികള്‍ ഏതു രാജ്യക്കാരാണെന്നു വ്യക്തമാക്കാന്‍ തങ്ങള്‍ക്കാവില്ലെന്നു വാര്‍ത്ത പുറത്തുവിട്ട യു.എസ് അധികൃതര്‍ പറഞ്ഞു.
കഴിഞ്ഞ ഏപ്രിലില്‍ ഗ്വാണ്ടനാമോ തടവറയില്‍നിന്ന് ഒന്‍പത് യമനികളെ സഊദി അധികൃതര്‍ക്ക് അമേരിക്ക കൈമാറിയിരുന്നു.
ഡൊണാള്‍സ് ട്രംപ് ഭരണമേറ്റെടുക്കുന്നതിന്റെ മുന്‍പ് 19 ഗ്വാണ്ടനാമോ തടവുകാരെ കൈമാറുമെന്ന് ഒബാമ വ്യക്തമാക്കിയിരുന്നു. ഇതിന്റെ ആദ്യ സംഘമാണ് ഏതാനും മണിക്കൂറുകള്‍ക്കുള്ളില്‍ സഊദിയിലെത്തുക.