തിരുവനന്തപുരം: സര്‍ക്കാര്‍ നഴ്‌സിങ് കോളജുകളില്‍ വിവിധ വിഭാഗങ്ങളില്‍ അധ്യാപകരുടെ അപര്യാപ്തത പരിഹരിക്കാന്‍ നടപടിയെടുത്തതായി ആരോഗ്യമന്ത്രി കെ.കെ ശൈലജ അറിയിച്ചു.
എം.എസ്‌സി നഴ്‌സിങ് പൂര്‍ത്തീകരിക്കുകയും സേവനം അനുഷ്ഠിക്കുന്നതിന് സന്നദ്ധത പ്രകടിപ്പിക്കുകയും ചെയ്ത 60 വിദ്യാര്‍ഥികള്‍ക്കു നിയമനം നല്‍കാന്‍ ഉത്തരവു നല്‍കിയിട്ടുണ്ട്. എം.എസ്‌സി നഴ്‌സിങ് കഴിഞ്ഞ വിദ്യാര്‍ഥികള്‍ക്ക് ഉപാധികളോടെ ഒരു വര്‍ഷത്തേക്കാണ് നിയമനമെന്നും മന്ത്രി അറിയിച്ചു.