ഫൈസാബാദ് (പട്ടിക്കാട് ): ദീനീ രംഗത്ത് നിസ്വാര്‍ഥ സേവനത്തിന്റെ മാതൃകയായി പള്ളികളില്‍ വാങ്കൊലി മുഴക്കിയ മുഅദ്ദിനുകള്‍ക്ക് സമസ്തയുടെ ആദരം. 25 വര്‍ഷം ഒരേ മഹല്ലില്‍ തുടര്‍ച്ചയായി മുഅദ്ദിന്‍ സേവനം ചെയ്തവരെയാണ് സമസ്ത മലപ്പുറം ജില്ലാ കമ്മിറ്റി ഇന്നലെ ജാമിഅ നൂരിയ്യ സമ്മേളനത്തില്‍ വച്ച് ആദരിച്ചത്.
മലപ്പുറം ജില്ലയില്‍ നിന്നുളള 87 മുഅദ്ദിനുകള്‍ക്കാണ് പാണക്കാട് സയ്യിദ് ഹൈദരലി ശിഹാബ് തങ്ങള്‍ അവാര്‍ഡ് സമ്മാനിച്ചത്. സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, എം.ടി അബ്ദുല്ല മുസ്‌ലിയാര്‍, കെ.ആലിക്കുട്ടി മുസ്‌ലിയാര്‍, പി.കുഞ്ഞാണി മുസ്‌ലിയാര്‍ സംബന്ധിച്ചു.