വാഷിങ്ടണ്‍: കൊല്ലപ്പെട്ട അല്‍ഖായ്ദ തലവന്‍ ഉസാമ ബിന്‍ ലാദന്റെ മകന്‍ ഹംസ ബിന്‍ ലാദനെ അമേരിക്ക അന്താരാഷ്ട്ര തീവ്രവാദികളുടെ പട്ടികയില്‍പ്പെടുത്തി. 20 കാരനായ ഹംസ ബിന്‍ ലാദന്‍ 2015 മുതല്‍ അല്‍ഖായ്ദയില്‍ ഔദ്യോഗികമായി അംഗമാണ്. അന്ന് മുതല്‍ പാശ്ചാത്യ രാജ്യങ്ങളുടെ തലസ്ഥാന നഗരികളെ ആക്രമിക്കാന്‍ ഹംസ ലാദന്‍ ആഹ്വാനം ചെയ്തിരുന്നതായി യു.എസ് സ്റ്റേറ്റ് ഡിപ്പാര്‍ട്ട്‌മെന്റ് റിപ്പോര്‍ട്ട് ചെയ്തു.

2011 ല്‍ പാകിസ്താനിലെ അബട്ടാബാദിലെ ഒളിവുസങ്കേത്തില്‍ വച്ചാണ് ഉസാമ ബിന്‍ ലാദനെ പിടികൂടി വധിക്കുന്നത്. അന്ന് ഒളിവുസങ്കേതത്തില്‍ ഹംസ ബിന്‍ ലാദന്‍ ഉണ്ടായിരുന്നില്ല. ഉസാമ ബിന്‍ ലാദന് അല്‍ഖായ്ദയുടെ മുഖമായി ഹംസ ബിന്‍ ലാദന് മാറാന്‍ കഴിഞ്ഞതായി യു.എസ് സ്റ്റേറ്റ് ഡിപ്പാര്‍ട്ട്‌മെന്റ് റിപ്പോര്‍ട്ടില്‍ പറയുന്നു.