ബെയ്‌റൂട്ട്: സിറിയയിലെ തീരപ്രദേശമായ ജബ്‌ലയിലുണ്ടായ സ്‌ഫോടനത്തില്‍ 11 പേര്‍ കൊല്ലപ്പെട്ടു. സംഭവത്തില്‍ 35ലധികം പേര്‍ക്ക് പരുക്ക് പറ്റി. നഗരത്തിലെ മുനിസിപ്പല്‍ സ്റ്റേഡിയത്തിനു സമീപമായാണ് സ്‌ഫോടനമുണ്ടായത്. ജനത്തിരക്കേറിയ സമയത്തായിരുന്നു ഭീകരര്‍ സ്‌ഫോടനം നടത്തിയത്. നിരവധി വാഹനങ്ങള്‍ സ്‌ഫോടനത്തില്‍ അഗ്നിക്കിരയായതായി പ്രാദേശിക ചാനലുകള്‍ റിപ്പോര്‍ട്ട് ചെയ്തു

കഴിഞ്ഞ മെയില്‍ ഇവിടെയുണ്ടായ ആക്രമണത്തില്‍ 45 പേര്‍ മരണപ്പെട്ടിരുന്നു. സംഭവത്തിന്റെ ഉത്തരവാദിത്തം അന്ന് ഐ.എസ് ഏറ്റെടുത്തിരുന്നു. ഇത്തവണത്തെ ആക്രമണത്തിന്റെ ഉത്തരവാദിത്തം ആരും ഇതു വരെ ഏറ്റെടുത്തിട്ടില്ല.