തലശ്ശേരി: മഠത്തുംഭാഗത്ത് കിളച്ചനകത്ത് രവീന്ദ്രന്റെ പറമ്പില്‍ അതിക്രമിച്ചു കടന്ന് റോഡ് വെട്ടിയ കേസില്‍ മതില്‍ പുനര്‍നിര്‍മിച്ചു നല്‍കാന്‍ കോടതി ഉത്തരവ്.
മതില്‍ പൊളിച്ച സംഭവത്തില്‍ അയല്‍വാസികളായ ദീപേഷ്, പുരുഷോത്തമന്‍ തുടങ്ങി അഞ്ചു പേര്‍ക്കെതിരെയാണ് ധര്‍മടം പൊലിസ് കേസെടുത്തിരുന്നത്. ഈ കേസില്‍ അയല്‍വാസിയായ ആര്‍.പി.എഫ് ഹെഡ്‌കോണ്‍സ്റ്റബിള്‍ മുരളീധരന്‍ പൊലിസിനെ സ്വാധീനിച്ച് കേസില്‍ നിന്നൊഴിവാകാന്‍ ശ്രമിച്ചത് മജിസ്‌ട്രേറ്റിന് ബോധ്യ
പ്പെടുകയും മുരളീധരനെ പ്രതി ചേര്‍ത്ത് കേസ് പുനര്‍വിചാരണയ്‌ക്കെടുക്കുകയുമായിരുന്നു. തുടര്‍ന്നാണ് മതില്‍ പുനര്‍നിര്‍മിക്കാന്‍ തലശ്ശേരി മുനിസിഫ് കോടതി ഉത്തരവിട്ടത്. ഉത്തരവ് പ്രകാരം ധര്‍മടം പൊലിസ് സംരക്ഷണയില്‍ പൊളിച്ച മതില്‍ ഇന്നലെ മുതല്‍ പുന:സ്ഥാ
പിച്ചു തുടങ്ങി.