കാസര്‍കോട്: മലേഷ്യയിലെ ക്വാലാലംപൂരില്‍ നടന്ന അന്തര്‍ദേശിയ ത്രോബോള്‍ ചാംപ്യന്‍ഷിപ്പില്‍ കീരീടം നേടിയ ടീമില്‍ അംഗമായ യഷ്മിതക്കു കാസര്‍കോട് റെയില്‍വെ സ്‌റ്റേഷനില്‍ നാട്ടുകാരുടെ നേതൃത്വത്തില്‍ ഉജ്ജ്വല സ്വീകരണം. റെയില്‍വേ സ്‌റ്റേഷനില്‍ എത്തിയ യഷ്മിതയെ ബെള്ളൂര്‍-കുംബഡാജെ പഞ്ചായത്തിലെ ജനപ്രതിനിധികളും നാട്ടുകാരും ചേര്‍ന്നു ബൊക്ക നല്‍കിയും തിലക ക്കുറിയണിയിച്ചുമാണ് വരവേറ്റത്.
സമ്മേളനത്തില്‍ സ്‌കൂള്‍ മാനേജ്‌മെന്റ് പ്രതിനിധി ശ്രീധര ഭട്ട്, അധ്യാപകരായ വൈ സതീശന്‍, ജി നാഗരാജ് സംസാരിച്ചു. ദേശിയ തലത്തില്‍ ജില്ലയുടെ യശസുയര്‍ത്തിയ യഷ്മിതക്ക് യൂത്ത് ലീഗ് ജില്ലാ കമ്മിറ്റിയുടെ നേതൃത്വത്തിലും സ്വീകരണം നല്‍കി പ്രസിഡന്റ് അഷ്‌റഫ് എടനീര്‍, സഹീര്‍ ആസിഫ്, എസ് മുഹമ്മദ്, അഷ്‌റഫ് കിന്നിംഗാര്‍, ബി.ടി അബ്ദുല്ല കുഞ്ഞി, ഖാസിം സംബന്ധിച്ചു. ബെളളൂര്‍ മീത്തജെലിലെ കര്‍ഷകനായ സുബ്ബണ നായിക്കിന്റെയും സുമതിയുടെയും മകളായ യഷ്മിത അഗല്‍പ്പാടി എസ്.എ.പി.എച്ച്.എസ്.എസിലെ പ്ലസ് വണ്‍ സയന്‍സ് വിദ്യാര്‍ഥിനിയാണ്.