അഞ്ചല്‍: കലോല്‍സവത്തിനെത്തുന്ന കുട്ടികള്‍ക്കു ഉച്ചഭക്ഷണം ഏര്‍പ്പെടുത്തിയിരുന്നത് ചന്തമുക്കിലെ വൈറ്റ് പാലസ് ഓഡിറ്റോറിയത്തിലായിരുന്നു. എന്നാല്‍ പൊരിവെയിലത്ത് നടുറോഡില്‍ വിദ്യാര്‍ഥികളും രക്ഷിതാക്കളും ക്യൂനിന്നാണ് ഉച്ചഭക്ഷണം വാങ്ങിയത്. മെയിന്‍ റോഡിലേയ്ക്ക് ക്യൂ നീണ്ടപ്പോള്‍ വലഞ്ഞത് യാത്രക്കാരും വാഹനങ്ങളുമായിരുന്നു. പൊലിസ് വളരെ പണിപ്പെട്ടാണ് രംഗം ശാന്തമാക്കിയത്. എന്നാല്‍ ഇവിടേക്കു നടത്തിപ്പുകാര്‍ തിരിഞ്ഞുനോക്കിയില്ലെന്ന ആക്ഷേപവും ഉയര്‍ന്നു. നീണ്ട ക്യൂവില്‍ വെയിലേറ്റ് മിക്ക കുട്ടികളും തളര്‍ന്നവശരായിരുന്നു.