കോഴിക്കോട്: കോഴിക്കോട് സിറ്റി പൊലിസ് കമ്മിഷണറായി ജെ ജയനാഥ് ഐ.പി.എസ് ചുമതലയേറ്റു. ഉമ ബെഹ്‌റ ഐ.പി.എസിന്റെ ഒഴിവിലേക്കാണ് തിരുവനന്തപുരം പൊലിസ് കംപ്യൂട്ടര്‍ സെന്റര്‍ എസ്.പിയായിരുന്ന ജയനാഥിനെ നിയമിച്ചത്. 2006 ഐ.പി.എസ് ബാച്ച് ഉദ്യോഗസ്ഥനായ ജയനാഥ് എന്‍ജിനിയറിംഗ് ബിദുരധാരിയാണ്.
പൊലിസ് ചാര്‍ജ്ജ് ചെയ്യുന്ന കേസുകളുടെ വിശദാംശങ്ങളും അറസ്റ്റ് നടപടികളും ഉള്‍പ്പെടെ വാട്‌സ്അപ്പ് പോലുള്ള സോഷ്യല്‍മീഡിയകളിലൂടെ പ്രചരിപ്പിക്കുന്നതിനെ പ്രോത്സാഹിപ്പിക്കാനാവില്ലെന്ന് ജയനാഥ് അറിയിച്ചു. കേസുകള്‍ സംബന്ധിച്ച് പൊലിസ് സ്റ്റേഷനുകളില്‍ നിന്ന് നല്‍കുന്ന വിവരങ്ങളുടെ കൃത്യത ഉറപ്പുവരുത്താന്‍ നിര്‍ദ്ദേശം നല്‍കുമെന്ന് അദ്ദേഹം കൂട്ടിച്ചേര്‍ത്തു.
ചുമതലയേറ്റ ശേഷം സിറ്റി പൊലിസിലെ വിവിധ അസിസ്റ്റന്റ് കമ്മിഷണര്‍മാരുമായി അദ്ദേഹം ചര്‍ച്ച നടത്തി.