ഷില്ലോംഗ്: മേഘാലയയിലെ സ്വതന്ത്ര എം.എല്‍.എ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചതിന് അറസ്റ്റില്‍. ജൂലിയസ് കെ ദോര്‍പംഗിനെയാണ് പൊലിസ് അറസ്റ്റു ചെയ്തത്.

മേഘാലയ-അസം പൊലിസ് സംയുക്തമായി നടത്തിയ ഓപറേഷനിലൂടെ ഗുവാഹത്തിയില്‍ വച്ചാണ് ഇദ്ദേഹത്തെ അറസ്റ്റു ചെയ്തത്. പീഡനക്കേസില്‍ പൊലിസ് കേസ് രജിസ്റ്റര്‍ ചെയ്തതിനു ശേഷം ഇദ്ദേഹം ഒളിവിലായിരുന്നു.

ജനുവരി നാലിന് പ്രാദേശിക കോടതി ജൂലിയസിനെതിരേ ജാമ്യമില്ലാ വകുപ്പ് പ്രകാരം കേസെടുക്കാന്‍ ഉത്തരവിട്ടിരുന്നു. ഇദ്ദേഹം സമര്‍പ്പിച്ച ഹരജി കോടതി തള്ളുകയും ചെയ്തിരുന്നു.