തളിപ്പറമ്പ്: വിദ്യാര്‍ഥികള്‍ വിജ്ഞാനത്തിലൂടെ സമൂഹത്തിന്റെ സമുദ്ധാരകരാവാന്‍ തയ്യാറാവണമെന്ന് എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍. തോട്ടീക്കല്‍ ശാഖാ എസ്.കെ.എസ്.എസ്.എഫ് സില്‍വര്‍ ജൂബിലി സമാപന മഹാസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഹാശിം ദാരിമി അധ്യക്ഷനായി. അബ്ദു സമദ് പൂക്കോട്ടൂര്‍ മുഖ്യ പ്രഭാഷണം നടത്തി. സുബൈര്‍ തോട്ടീക്കല്‍ കഥാപ്രസംഗം അവതരിപ്പിച്ചു. ഇബ്രാഹിം കുട്ടി തിരുവട്ടൂര്‍, അശ്രഫ് ദാരിമി കക്കുപടി, ഫിര്‍ദൗസ് ഫൈസി സംസാരിച്ചു.
ഉമര്‍ നദ് വി തോട്ടീക്കല്‍, സുബൈര്‍ തോട്ടീക്കല്‍, ഷാക്കിര്‍ തോട്ടീക്കല്‍ എന്നിവരെ ചടങ്ങില്‍വെച്ച് ആദരിച്ചു. ഒ.ഹസന്‍ കുഞ്ഞി സ്വാഗതവും, ഹസീബ് നന്ദിയും പറഞ്ഞു.