തളിപ്പറമ്പ്: ബസ് ഡ്രൈവറെ നാലുപേര്‍ ചേര്‍ന്ന് മര്‍ദിച്ചുവെന്ന പരാതിയില്‍ പൊലിസ് കേസെടുത്തു. തളിപ്പറമ്പ് കൊയ്യം റൂട്ടിലോടുന്ന കെ.എല്‍ 13 വി- 907 നമ്പര്‍ പാറയില്‍ ബസ് ഡ്രൈവര്‍ വാരം സ്വദേശി തടയണ ഹൗസില്‍ ഇസ്മയില്‍(27) നെ ഇന്നലെ രാവിലെ 9. 40 ഓടെ കുറുമാത്തൂര്‍ ഹൈസ്‌കൂള്‍ സ്‌റ്റോപ്പില്‍ ബസ് തടഞ്ഞുനിര്‍ത്തി മര്‍ദിച്ചെന്നാണ് പരാതി. പരുക്കേറ്റ ഇയാളെ സ്വകാര്യ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം കാറിന് സൈഡ് കൊടുക്കുന്നതിനെച്ചൊല്ലി മര്‍ദിച്ചവരും ഇസ്മായിലുമായി വാക്കേറ്റം നടന്നിരുന്നു. തളിപ്പറമ്പ് എ.എസ്.ഐ കെ ഉണ്ണികൃഷ്ണന്റെ നേതൃത്വത്തില്‍ പ്രതികളെ കണ്ടെത്തുന്നതിന് വ്യാപകമായ അന്വേഷണമാരംഭിച്ചു.