കണിയാമ്പറ്റ: നന്ദന നൃത്തം ചെയ്യുമ്പോള്‍ വിനോദ് ഇല്ലായ്മകള്‍ മറക്കും, ഒപ്പം അച്ഛന് സമ്മാനമായി നന്ദന ഒന്നാം സ്ഥാനവും നേടും. മാനന്തവാടി ലിറ്റില്‍ ഫ്‌ളവര്‍ യു.പി സ്‌കൂളിലെ വിദ്യാര്‍ഥി നന്ദനാ വിനോദാണ് അച്ഛന്റെ ആത്മാര്‍ഥ സ്‌നേഹത്തിന് മുന്നില്‍ സമ്മാനങ്ങള്‍ വാരിക്കൂട്ടുന്നത്. ഒണ്ടയങ്ങാടിയിലെ ഓട്ടോ ഡ്രൈവര്‍ വിനോദിന്റെയും മിനിയുടെയും മകളാണ്. കഴിഞ്ഞ വര്‍ഷം മോഹിനിയാട്ടത്തില്‍ ഒന്നാംസ്ഥാനവും കുച്ചുപ്പുടിയില്‍ രണ്ടാംസ്ഥാനവുമായിരുന്നു. ഈ വര്‍ഷം ഭരതനാട്യത്തില്‍ ഒന്നാംസ്ഥാനം നേടിയ നന്ദന മോഹിനിയാട്ടം, കുച്ചുപ്പുടി എന്നിവയില്‍ മത്സരിക്കുന്നുണ്ട്. രണ്ടിലും ഒന്നാംസ്ഥാനം നേടാനാവുമെന്ന പ്രതീക്ഷയിലാണ്.