റിയാദ്: തലസ്ഥാന നഗരിയായ റിയാദില്‍ നടന്ന റെയ്ഡില്‍ വന്‍തോതില്‍ മദ്യകുപ്പികള്‍ കണ്ടെടുത്തു. റിയാദിലെ ഒരു വെയര്‍ ഹൗസില്‍ നടത്തിയ തിരച്ചിലിലാണ് ഇത്രയും മദ്യകുപ്പികള്‍ കണ്ടെടുത്ത് നശിപ്പിച്ചത്. സ്വദേശിയുടെ ഉടമസ്ഥതയിലുള്ള വെയര്‍ ഹൗസില്‍ 2,735 മദ്യകുപ്പികളും പിന്നീട് നടത്തിയ തിരച്ചിലില്‍ 19,600 മദ്യകുപ്പികളുമാണ് കണ്ടെടുത്തത്. വെയര്‍ ഹൗസ് ഉടമസ്ഥന്‍ കൂടാതെ മറ്റൊരു സ്വദേശിയെയും രണ്ടു പാകിസ്താന്‍ പൗരന്മാരെയും ഇതോടൊപ്പം പിടികൂടിയത്. ജനറല്‍ ഡയറക്ടറേറ്റ് ഓഫ് നര്‍കൊട്ടിക്‌സ് കണ്‍ട്രോള്‍ ടീമാണ് തിരച്ചിലിന് നേതൃത്വം നല്‍കിയത്.