കൊച്ചി: ഡിജിറ്റല്‍ പണമിടപാടുകള്‍ പ്രോത്സാഹിപ്പിക്കുന്നതിനും പൊതുജനങ്ങളിലും വ്യാപാരികളിലും അവബോധം സൃഷ്ടിക്കുന്നതിനുമുള്ള ഡിജിധന്‍മേള നെടുമ്പാശ്ശേരി സിയാല്‍ കണ്‍വെന്‍ഷന്‍ സെന്ററില്‍ ഇന്നു സംഘടിപ്പിക്കും. വൈകീട്ട് 3.30ന് നടക്കുന്ന ഉദ്ഘാടനച്ചടങ്ങില്‍ ഊര്‍ജകല്‍ക്കരി മന്ത്രി പിയൂഷ് ഗോയല്‍ ചടങ്ങില്‍ പങ്കെടുക്കും. ഹോക്കിതാരം പി.ആര്‍ ശ്രീജേഷ്, ജില്ലാ കളക്ടര്‍ കെ.മുഹമ്മദ് വൈ.സഫീറുള്ള, ഐടി സെക്രട്ടറി എം. ശിവശങ്കര്‍ തുടങ്ങിയവരും സന്നിഹിതരായിരിക്കും. കേന്ദ്രസര്‍ക്കാരിന്റെ നിര്‍ദേശപ്രകാരം മേള സംഘടിപ്പിക്കുന്ന നൂറു നഗരങ്ങളിലൊന്നാണ് കൊച്ചി. ഇന്നു രാവിലെ 9 മണി മുതല്‍ സിയാല്‍ കണ്‍വെന്‍ഷന്‍ സെന്ററില്‍ കറന്‍സിരഹിത ഇടപാടുകളെക്കുറിച്ച് അവബോധം സൃഷ്ടിക്കുന്നതിനായി വിവിധ പ്രസന്റേഷനുകളും ഉണ്ടാകും.