പാപ്പിനിശ്ശേരി: പാപ്പിനിശ്ശേരി ബൈപാസിനെക്കുറിച്ചുള്ള സാധ്യതാ പഠനം നടത്തുന്നതിന് ഇന്നലെ പാപ്പിനിശ്ശേരി തുരുത്തിയില്‍ സര്‍വേ നടന്നു. പഴയ സര്‍വേ പ്രകാരം കല്ല്യാശ്ശേരി-വയക്കര പാലം മുതല്‍ പാപ്പിനിശ്ശേരി-ചുങ്കം വഴി തിരിഞ്ഞ് കീരിയാട് വഴി പോകുന്നതാണ് പഴയപാത. ഇതില്‍ നിന്നു മാറ്റം വരുത്തി കല്ല്യാശ്ശേരി, വയക്കര പാലം-കീച്ചേരിക്കുന്ന്-പുലക്കറവയല്‍-അയിക്കല്‍-തുരുത്തി കൊവ്വല്‍ വരെ എത്തിച്ചേരുന്ന രീതിയിലാണ് പുതിയ സര്‍വേ. നിലവില്‍ എതു ഭാഗത്തുകൂടി ബൈപാസ് വരുമെന്നു കൃത്യമായി പറയാന്‍ കഴിയാത്ത അവസ്ഥയാണ്. അതുകൊണ്ടു രണ്ട് സര്‍വേകളെയും നിരവധി പേര്‍ അനുകൂലിക്കുകയും എതിര്‍ക്കുകയും ചെയ്യുന്നുണ്ട്. വിവിധ ഭാഗങ്ങളില്‍ സാധ്യതാ പഠനങ്ങള്‍ നടന്നുവരികയാണ്.