കോട്ടക്കല്‍: നഗരസഭയിലെ തോക്കാംപാറയില്‍ നിര്‍മിക്കുന്ന ആഢംബര ഫ്‌ളാറ്റിനു വേണ്ടി സി.പി.എം നാടകം കളിക്കുകയാണെന്ന് മുനിസിപ്പല്‍ യൂത്ത്‌ലീഗ് കമ്മിറ്റി.
പൊതുജനം മുഴുവന്‍ എതിരായിട്ടും വാര്‍ഡ് സഭ ഒറ്റക്കെട്ടായി ഫ്‌ളാറ്റിനെതിരേ നിലപാടെടുത്തിട്ടും നവ മുതലാളിമാര്‍ക്കായി സി.പി.എം ഒത്താശ ചെയ്യുകയാണെന്നും യൂത്ത്‌ലീഗ് ഭാരവാഹികള്‍ പത്രസമ്മേളനത്തില്‍ ആരോപിച്ചു. പണത്തിനു വേണ്ടി ജനത്തെ വിഡ്ഢികളാക്കുന്ന പ്രവൃത്തിയില്‍നിന്ന് സി.പി.എം പിന്മാറണമെന്നും യൂത്ത്‌ലീഗ് ആവശ്യപ്പെട്ടു.
മുനിസിപ്പല്‍ സെക്രട്ടറി കെ.എം ഖലീല്‍, വാര്‍ഡ് കൗണ്‍സിലര്‍മാരായ മങ്ങാടന്‍ അബ്ദു, കെ വിനോദ് കുമാര്‍, കാലൊടി കുഞ്ഞുഹാജി, സഹീര്‍ കാലൊടി എന്നിവര്‍ പങ്കെടുത്തു.