പട്‌ന: ബീഹാറിലെ ഔറംഗാബാദില്‍ സഹപ്രവര്‍ത്തകന്റെ വെടിയേറ്റ് നാല് സി.ഐ.എസ്.എഫ് ജവാന്മാര്‍ കൊല്ലപ്പെട്ടു. ഉച്ചയ്ക്ക് 12.30 ഓടെയായിരുന്നു സംഭവം. ഉത്തര്‍പ്രദേശിലെ അലിഗഢ് സ്വദേശിയായ ബല്‍വീര്‍ സിങാണ് സഹപ്രവര്‍ത്തകര്‍ക്ക് നേരെ വെടിയുതിര്‍ത്തത്. ഔറംഗാബാദ് തെര്‍മല്‍ പവര്‍ സ്റ്റേഷനില്‍ ജോലിക്കിടെയായിരുന്നു സംഭവം.

മൂന്ന് ഹെഡ്‌കോണ്‍സ്റ്റബിള്‍മാരും ഒരു അസിസ്റ്റന്റെ സബ് ഇന്‍സ്‌പെക്ടറുമാണ് കൊല്ലപ്പെട്ടത്. അവധി എടുക്കുന്നതുമായിമായി ബന്ധപ്പെട്ട തര്‍ക്കമാണ് കൊലപാതകത്തില്‍ കലാശിച്ചതെന്നാണ് സൂചന.