കൊച്ചി: ഫെഡറല്‍ ബാങ്കുകളിലെ താല്‍ക്കാലിക ജീവനക്കാരെ അന്യായമായി പിരിച്ചുവിടുകയും ശമ്പളംകൊടുക്കാതെ ജോലിയെടുപ്പിക്കുകയുമാണെന്നാരോപിച്ച് ബാങ്ക് എംപ്‌ളോയിസ് ഫെഡറേഷന്‍ ഓഫ് ഇന്ത്യ ( ബെഫി) ഉപരോധ സമരം നടത്തുന്നു.  17 ന് ബാങ്ക് ശാഖകള്‍ക്ക് മുന്നില്‍ ഉപരോധം നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു. എട്ട് വര്‍ഷമായി ജോലിചെയ്യുന്ന ജീവനക്കാരെപോലും നോട്ടിസ് നല്‍കാതെ പിരിച്ചുവിടുകയാണ്. കരാര്‍ വ്യവസ്ഥകളില്‍ എകപക്ഷീയമായ മാറ്റം വരുത്തി, ശമ്പളം വെട്ടിക്കുറച്ചു, അലവന്‍സുകള്‍ നിര്‍ത്തലാക്കി. ഇതുമൂലം ജോലിക്കാര്‍ കനത്ത സാമ്പത്തിക ബുദ്ധിമുട്ടിലാണെന്നും അവര്‍ പറഞ്ഞു.