കോഴിക്കോട്: കോര്‍പ്പറേഷന്‍ സ്റ്റേഡിയത്തില്‍ ആരംഭിച്ച സംസ്ഥാന ജൂനിയര്‍ അന്തര്‍ജില്ലാ ഫുട്‌ബോള്‍  ചാംപ്യന്‍ഷിപ്പില്‍ ആദ്യമത്സരത്തില്‍ വയനാടും തിരുവനന്തപുരവും ഓരോ ഗോളടിച്ച് സമനിലയില്‍ പിരിഞ്ഞു. തിരുവനന്തപുരത്തിന് വേണ്ടി 32ാം മിനുട്ടില്‍ അജന്‍ ആന്റണിയും  വയനാടിന് വേണ്ടി 46ാം മിനുട്ടില്‍ എമില്‍ബെന്നിയുമാണ് സ്‌കോര്‍ ചെയ്തത്. രണ്ടാം മത്സരത്തില്‍ ആലപ്പുഴ എതിരില്ലാത്ത ഒരു ഗോളിന്  കാസര്‍കോടിനെ പരാജയപ്പെടുത്തി. ആലപ്പുഴക്ക് വേണ്ടി 49ാം മിനുട്ടില്‍ ടി.ടി ബാദുഷയാണ് ഗോള്‍ സ്‌കോര്‍ ചെയ്തത്.
 മൂന്നാം മത്സരത്തില്‍ വയനാട് ആലപ്പുഴ മത്സരം ഗോള്‍രഹിത സമനിലയില്‍ പിരിഞ്ഞു. വൈകിട്ട് നടന്ന മത്സരത്തില്‍  കാസര്‍കോട് എതിരില്ലാത്ത ഒരു ഗോളിന് തിരുവനന്തപുരത്തെ പരാജയപ്പെടുത്തി. കാസര്‍കോടിന് വേണ്ടി 29ാം മിനുട്ടില്‍ രോഹിതാണ് ഗോള്‍ സ്‌കോര്‍ ചെയ്തത്.