ഇംഫാല്‍: മണിപ്പൂരിലെ ഇംഫാലിലെ ജിരി ടൗണില്‍ ഭീകരര്‍ നടത്തിയ വെടിവെപ്പില്‍ ഒരാള്‍ കൊല്ലപ്പെട്ടു. മൂന്നു പേര്‍ക്ക് ഗുരുതരമായി പരുക്കേറ്റിട്ടുണ്ട്. ലുംകംബി പ്രദേശത്ത് പുതുതായി തുറന്നുകൊടുത്ത ദേശീയ പാത 37ലൂടെ കടന്നു പോയ ട്രക്കുകള്‍ക്കും വാഹനങ്ങള്‍ക്കും നേരെയാണ് അക്രമമുണ്ടായത്.

പ്രാദേശിക സമയം ഇന്നലെ വൈകീട്ടായിരുന്നു സംഭവം. റെനോള്‍ട്ട് ഡസ്റ്റര്‍ കാറിനു നേരെയാണ് ഭീകരര്‍ ആദ്യം വെടിയുതിര്‍ത്തത്. കാറിലെ ഡ്രൈവര്‍ ആണ് കൊല്ലപ്പെട്ടത്. ട്രക്കിലുണ്ടായിരുന്ന മൂന്നു പേര്‍ക്കാണ് വെടിവെപ്പില്‍ പരുക്കേറ്റേത്. അക്രമികളെ പിടികൂടിയിട്ടില്ല.