കൊപ്പം: എണ്‍പത്തിരണ്ടുകാരിയെ പീഡിപ്പിച്ച കേസില്‍ ഇരുപത്തിഏഴുകാരനായ യുവാവിനെ അറസ്റ്റു ചെയ്തു. മാഞ്ഞാമ്പ്ര ഉതിരാന്‍കുഴി വീട്ടില്‍ സുഭാഷിനെയാണ് പട്ടാമ്പി പൊലിസ് കസ്റ്റഡിയിലെടുത്തത്.
കഴിഞ്ഞ ബുധനാഴ്ചയാണ് കേസിനാസ്പദമായ സംഭവം നടന്നത്.
എടപ്പലത്ത് ഒറ്റയ്ക്ക് താമസിക്കുന്ന വൃദ്ധയുടെ വീട്ടില്‍ പ്രതി ആയുര്‍വേദ ഡോക്ടര്‍ ചമഞ്ഞെത്തി പീഡനത്തിരയാക്കിയെന്നാണ് പരാതി. ഇവരുടെ ബന്ധുക്കളാണ് പരാതി നല്‍കിയത്.
പട്ടാമ്പി സി.ഐ ഇന്‍ചാര്‍ജ് ഒറ്റപ്പാലം സര്‍ക്കിള്‍ ഇന്‍സ്‌പെക്ടര്‍ അബ്ദുള്‍ മുനീര്‍, എസ്.ഐ. ലെയ്‌സാദ് മുഹമ്മദ്, എ.എസ്.ഐ. ഗോപാലന്‍, സി.പി.ഒ. ബിജു എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.