മലപ്പുറം: ദലിത് ജനവിഭാഗത്തിന്റെ സ്വാഭാവിക ബന്ധു ഇടതുപക്ഷമാണെന്നു സി.പി.ഐ ദേശീയ എക്‌സിക്യൂട്ടീവ് അംഗം ബിനോയ് വിശ്വം. മലപ്പുറം ഗവ. കോളജില്‍ ഇംഗ്ലീഷ് ഡിപ്പാര്‍ട്ട്‌മെന്റും യു.ജി.സിയും ചേര്‍ന്നു സംഘടിപ്പിച്ച ദേശീയ സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.ഫാസിസ്റ്റ് തേര്‍വാഴ്ചയെ ചെറുക്കാന്‍ ഊട്ടിയുറപ്പിക്കേണ്ട വിശാല ഐക്യനിരയുടെ അടിസ്ഥാനം ഇടതുപക്ഷ-ദലിത് ഐക്യമാണെന്നും അദ്ദേഹം കൂട്ടിചേര്‍ത്തു. ഇടതുപക്ഷം വിമര്‍ശനത്തിന് അതീതമല്ല. എന്നാല്‍, അന്ധമായ ഇടതുപക്ഷ വിരോധം ശരിയല്ലെന്നും അദ്ദേഹം പറഞ്ഞു. പ്രൊഫ. സൈനു ല്‍ ആബിദിന്‍ കോട്ട അധ്യക്ഷനായി. പ്രൊഫ. സി. അക്ബര്‍, പ്രൊഫ. പി.എം സലാഹുദ്ദീന്‍, ഡോ. ഉണ്ണി ആമപ്പാറക്കല്‍, പ്രൊഫ. മുഹമ്മദ് ഷാ, യൂനിയന്‍ ചെയര്‍മാന്‍ ഇബ്രാഹീം ബാദുഷ, മെഹ്‌സിന സംസാരിച്ചു.