തായ്‌ലന്‍ഡ്: ഇന്ത്യക്കാര്‍ക്കൊരു സന്തോഷ വാര്‍ത്ത. വിസയില്ലാതെ തായ്‌ലന്‍ഡിലേക്ക് ഇന്ത്യക്കാര്‍ക്ക് പ്രവേശിക്കാനുള്ള സമയപരിധി നീട്ടി. തായ്‌ലന്‍ഡിലെ ടൂറിസം അതോറിറ്റി ഓഫ് തായ്‌ലന്‍ഡാണ്(ടിഎടി)ആണ് ഇന്ത്യക്കാര്‍ക്ക് വിസാരഹിത പ്രവേശനം നീട്ടിയതായി അറിയിച്ചത്. 

ഈ മാസം 11 വരെയായിരുന്നു നേരത്തെ ഇന്ത്യക്കാര്‍ക്ക് തായ്‌ലന്‍ഡിലേക്ക് വിസാരഹിത പ്രവേശനം അനുവദിച്ചിരുന്നത്. ഇതാണ് ഇപ്പോള്‍ നീട്ടിയത്. ഇനി ഒരു അറിയിപ്പ് ഉണ്ടാകുന്നത് വരെ ഈ ഇളവ് തുടരുന്നതാണ്. 2023 നവംബറിലാണ് ആദ്യമായി തായ്‌ലന്‍ഡ് ഇന്ത്യക്കാര്‍ക്ക് വിസാരഹിത പ്രവേശനം അനുവദിച്ച് തുടങ്ങിയത്. ഇന്ത്യക്കാര്‍ക്ക് വിസയില്ലാതെ 60 ദിവസം വരെ തായ്‌ലന്‍ഡില്‍ കഴിയാം.

മാത്രമല്ല, ഇത് 30 ദിവസത്തേക്ക് അധികമായി നീട്ടാനുമാകും. എന്നാല്‍ കാലാവധി നീട്ടാന്‍ എമിഗ്രേഷന്‍ ഓഫിസുമായി ബന്ധപ്പെടണമെന്നു മാത്രം. ജനുവരി മുതല്‍ ഒക്ടോബര്‍ വരെയുള്ള കാലയളവില്‍ തായ്‌ലന്‍ഡിലേക്കുള്ള ഇന്ത്യന്‍ സന്ദര്‍ശകരുടെ എണ്ണം 16.17 മില്യനായി ഉയര്‍ന്നതായാണ് ഇപ്പോഴത്തെ റിപോര്‍ട്ടുകള്‍ കാണിക്കുന്നത്. രാജ്യത്തിന്റെ സാമ്പത്തിക മേഖലയെ കൂടുതല്‍ ശക്തിപ്പെടുത്തുന്നതിനാണ് തായ്‌ലന്‍ഡ് വിസ ഇളവുകള്‍ പ്രഖ്യാപിക്കുന്നത്.

 In a positive development for Indian travelers, Thailand has extended the visa-free entry period for Indians.