മടവൂര്‍: പഞ്ചായത്തിലെ മുഴുവന്‍ വിദ്യാലയങ്ങളിലെ കുട്ടികള്‍ക്കും പച്ചക്കറിത്തോട്ടം നിര്‍മ്മിക്കുന്നതിന്റെ ഭാഗമായി സമ്പൂര്‍ണ്ണ പച്ചക്കറി കൃഷിക്ക് തുടക്കമായി. മുട്ടാഞ്ചേരി ഹസനിയ എ.യു.പി സ്‌കൂളില്‍ നടന്ന ചടങ്ങില്‍ പ്രസിഡന്റ് വി.സി അബ്ദുല്‍ ഹമീദ് മാസ്റ്റര്‍ സ്‌കൂള്‍ ലീഡര്‍ റസിന്‍ അബുവിന് വിത്ത് നല്‍കി പദ്ധതി ഉദ്ഘാടനം ചെയ്തു.
പി.ടി.എ പ്രസിഡന്റ് സലീം മുട്ടാഞ്ചേരി അധ്യക്ഷനായി. പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ വി.സി റിയാസ്ഖാന്‍, അരുണ്‍ കെ, കെ. റഷീദ് എന്നിവര്‍ സംസാരിച്ചു. ചോലക്കര മുഹമ്മദ് മാസ്റ്റര്‍ സ്വാഗതവും എന്‍.പി അബ്ദുല്‍ഹബീബ് നന്ദിയും പറഞ്ഞു. പഞ്ചായത്തില്‍ മൊത്തം 4000 വിദ്യാര്‍ഥികള്‍ക്ക് വിത്ത് ലഭിക്കും.