കരുവാരകുണ്ട്: ദാറുന്നജാത്ത് 41ാം വാര്‍ഷികത്തിന് ഇന്നു സമാപനമാകും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാരുടെ അധ്യക്ഷതയില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. ഡോ. ബഹാഉദ്ദീന്‍ മുഹമ്മദ് നദ്‌വി കെ.ടി ഉസ്താദ് അനുസ്മരണം നടത്തും.
പി.കെ കുഞ്ഞാലിക്കുട്ടി മുഖ്യപ്രഭാഷണം നടത്തും. കഴിഞ്ഞ ദിവസം നടന്ന വിദ്യാര്‍ഥി സംഗമം പി.വി അബ്ദുല്‍ വഹാബ് എം.പി ഉദ്ഘാടനം ചെയ്തു. കെ.എന്‍.എ ഖാദര്‍ പ്രഭാഷണം നടത്തി. എം. അലവി അധ്യക്ഷനായി. പ്രവാസി സംഗമം അബ്ദുല്‍ഹമീദ് ഫൈസി ഉദ്ഘാടനം ചെയ്തു. ഫാസ് മുഹമ്മദലി പ്രഭാഷണം നടത്തി. ഹബീബ് തങ്ങള്‍, ആലുങ്ങല്‍ ഹംസ ഹാജി, അത്തിക്കാടന്‍ മുത്തു പങ്കെടുത്തു.
മതപ്രഭാഷണം അലവി ഫൈസി കുളപ്പറമ്പ് ഉദ്ഘാടനം ചെയ്തു. ഹംസല്‍ ഖാസിമി നീലാഞ്ചേരി അധ്യക്ഷനായി. ഹംസ റഹ്മാനി കാഞ്ഞിരപ്പുഴ പ്രഭാഷണം നടത്തി.