മങ്കട: മലപ്പുറം റവന്യൂ ജില്ലാ നെറ്റ് േേബാള്‍ (അണ്ടര്‍ 14) ചാംപ്യന്‍ഷിപ്പില്‍ ആണ്‍കുട്ടികളുടെയും പെണ്‍കുട്ടികളുടെയും വിഭാഗങ്ങളില്‍ പരിയാപുരം സെന്റ് മേരീസ് ഹയര്‍സെക്കന്‍ഡറി സ്‌കൂള്‍ ചാംപ്യന്‍മാരായി. ആണ്‍കുട്ടികളുടെ വിഭാഗത്തില്‍ പരിയാപുരം ഫാത്തിമ മാതാ യു.പി സ്‌കൂള്‍ രണ്ടും കടുങ്ങപുരം ഗവ. ഹയര്‍ സെക്കന്‍ഡറി സ്‌കൂള്‍ മൂന്നും സ്ഥാനങ്ങള്‍ നേടി.
പെണ്‍കുട്ടികളുടെ വിഭാഗത്തില്‍ കടുങ്ങപുരം രണ്ടും ഫാത്തിമ മാത യു.പി മൂന്നും സ്ഥാനങ്ങള്‍ കരസ്ഥമാക്കി. പരിയാപുരം സെന്റ് മേരീസ് ഹയര്‍ സെക്കന്‍ഡറി സ്‌കൂള്‍ മൈതാനത്തു നടന്ന മത്സരം അങ്ങാടിപ്പുറം ഗ്രാമപഞ്ചായത്ത് പ്രസിഡന്റ് ഒ. കേശവന്‍ ഉദ്ഘാടനം ചെയ്തു. സ്ഥിരംമിതി അധ്യക്ഷ ഏലിയാമ്മ അധ്യക്ഷയായി. പ്രിന്‍സിപ്പല്‍ ബെനോ തോമസ്, ജോണി പുതുപ്പറമ്പില്‍, മനോജ് വീട്ടുവേലിക്കുന്നേല്‍, സതീഷ് പുത്തന്‍ പപുരക്കല്‍, കെ.എസ്. സിബി സംസാരിച്ചു.
സമാപന സമ്മേളനത്തില്‍ റവ. ഡോ. ജേക്കബ് കൂത്തൂര്‍ സമ്മാനങ്ങള്‍ നല്‍കി. പി.കെ രാജേഷ്, പി. ശിഹാബുദ്ദീന്‍, വി. സജാദ് സാഹിര്‍, ടി.വി രാഹുല്‍, കെ. മബ്‌റൂക്, സജി സംസാരിച്ചു. ക്യാപ്റ്റന്‍ അമല്‍ ജോസ്, അലന്‍ സജി, വി.പി മുഹമ്മദ് ശാഫി, സാജന്‍ കെ. സന്തോഷ്, ആദം ഷാ, കെ. അര്‍ജുന്‍, അലന്‍ ജോണ്‍, കെ.ജെ തോമസ്, കെ.ജെ ആല്‍ബിന്‍, ആല്‍ഫിന്‍ ജോസഫ് എന്നിവര്‍ ആണ്‍കുട്ടികളുടെ വിഭാഗത്തിലും എം. ആദിത്യ (ക്യാപ്റ്റന്‍), മരിയ തോമസ്, ടി. ജ്യോതി, സാന്റസ് പിന്റോ, ആഷ്‌ലി വിനോജ്, അന്ന ജോമി, ഐറിന്‍ട്രീസാപ്പി ആന്റണി, കെ. മാളവിക, ടി. ഗോപിക എന്നിവര്‍ പെണ്‍കുട്ടികളുടെ വിഭാഗത്തിലും ചാംപ്യന്‍ ടീമിനായി ജഴ്‌സിയണിഞ്ഞു.