കണ്ണൂര്‍: സംസ്ഥാന സ്‌കൂള്‍ കലോത്സവത്തിന്റെ ഉദ്ഘാടനത്തിന്റെ ഭാഗമായി കണ്ണൂര്‍ കോര്‍പ്പറേഷന്‍ പരിധിയിലെ സ്‌കൂളുകള്‍ക്ക് ഇന്ന് അവധി. ജില്ലാ കലക്റ്റര്‍ മീര്‍ മുഹമ്മദലിയാണ് അവധി പ്രഖ്യാപിച്ചത്. കോര്‍പറേഷന്‍ പരിധിയിലെ മുഴുവന്‍ സ്‌കൂളുകളുകള്‍ക്കും അവധിയായിരിക്കുമെന്ന് കലക്റ്റര്‍ അറിയിച്ചു.

ഇന്ന് രാവിലെ 9.30ന് പ്രധാന വേദിയായ പൊലിസ് മൈതാനിയിലെ 'നിള'യില്‍ പൊതുവിദ്യാഭ്യാസ ഡയറക്ടര്‍ കെ.വി മോഹന്‍കുമാര്‍ പതാക ഉയര്‍ത്തുന്നതോടെ ഏഴു ദിവസം നീണ്ടുനില്‍ക്കുന്ന 57ാമത് സംസ്ഥാന സ്‌കൂള്‍ കലോത്സവത്തിന് തുടക്കമാകും. വൈകീട്ട് നാലു മണിക്ക് മുഖ്യമന്ത്രി പിണറായി വിജയനാണ് മേള ഔപചാരികമായി ഉദ്ഘാടനം ചെയ്യുക. ഗായിക കെ.എസ് ചിത്ര മുഖ്യാതിഥിയായി പങ്കെടുക്കും.