പാറശാല: മാനസിക വൈകല്യമുളള വൃദ്ധ ഒറ്റയ്ക്കു താമസിക്കുന്ന വീട്ടില്‍ അര്‍ദ്ധരാത്രിയില്‍ അതിക്രമിച്ചുകയറി വൃദ്ധയെ പീഡിപ്പിച്ച കേസില്‍ ഒളിവിലായിരുന്ന പ്രതി പാറശാല പൊലിസിന്റെ പിടിയില്‍. ചെങ്കല്‍ വില്ലേജില്‍ നൊച്ചിയൂര്‍ നീരാഴി വട്ടിവിള കടമ്പറയ്ക്കല്‍ പുത്തന്‍വീട്ടില്‍ ക്രിസ്റ്റഫറിന്റെ മകന്‍ ക്രിസ്റ്റിന്‍ (27) ആണ് പിടിയിലായത്. കഴിഞ്ഞ എട്ടിന് രാത്രിയിലാണ് കേസിനാസ്പദമായ സംഭവം.
തിരുവനന്തപുരം റൂറല്‍ എസ്.പി.അശോക്കുമാറിനു ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നെയ്യാറ്റിന്‍കര ഡി.വൈ.എസ്.പി സുല്‍ഫിക്കര്‍, സി.ഐ.അനില്‍കുമാര്‍, പാറശാല എസ്.ഐ.പ്രവീണ്‍, തങ്കരാജ്, ഷാഡോ പൊലിസ് എ.എസ്.ഐ പോള്‍വിന്‍, സി.പി.ഒ അജിത്, പ്രവീണ്‍ ആനന്ദ്, ബിജു, അനീഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.