കല്ലമ്പലം: ശിവഗിരി തീര്‍ഥാടന പന്തല്‍ നിര്‍മാണത്തിനായി ലുലു ഗ്രൂപ് ചെയര്‍മാന്‍ എം.എ യൂസഫലി രണ്ട് കോടി രൂപകൂടി സംഭാവന ചെയ്തു.
84ാമതു ശിവഗിരി തീര്‍ഥാടന സമ്മേളനത്തില്‍ പ്രഖ്യാപിച്ച രണ്ടാം ഗഡുവായ രണ്ട് കോടി രൂപ കഴിഞ്ഞ ദിവസം ശിവഗിരി മഠത്തിനു കൈമാറി. രാവിലെ പത്തരയോടെ ശിവഗിരി ശാരദാ മഠത്തില്‍ വച്ച് നടന്ന ചടങ്ങില്‍ ലുലു ഗ്രൂപ് പ്രതിനിധികളായ ജോയി സദാനന്ദന്‍, മുഹമ്മദ് റാഫി, എന്നിവരില്‍ നിന്ന് ധര്‍മസംഘം ട്രസ്റ്റിനു വേണ്ടി സ്വാമി സാന്ദ്രാനന്ദ, സ്വാമി ഋതംഭരാനന്ദ, സ്വാമി ഗുരുപ്രസാദ്, സ്വാമി വിശാലാനന്ദ തുടങ്ങിയവര്‍ ചെക്ക് സ്വീകരിച്ചു.