തിരുവനന്തപുരം: ഖാദിയെക്കുറിച്ചു മഹാത്മാഗാന്ധിക്ക് ഉണ്ടായിരുന്ന ആശയങ്ങള്‍ പ്രധാനമന്ത്രി നരേന്ദ്ര മോദി നടപ്പാക്കുന്നതിലുള്ള അസഹിഷ്ണുതയാണ് ഖാദി കമ്മിഷന്‍ പുറത്തിറക്കിയ കലണ്ടറിനെ കോണ്‍ഗ്രസ് വിവാദമാക്കിയതെന്നു ബി.ജെ.പി ദശീയ നിര്‍വാഹകസമിതി അംഗം വി. മുരളീധരന്‍. മഹാത്മാഗാന്ധിക്കൊപ്പം ഖാദിയേയും മറന്നത് കോണ്‍ഗ്രസാണ്. ഐക്യ ഇന്ത്യക്കുവേണ്ടി നിലകൊണ്ട സര്‍ദാര്‍ വല്ലാഭായി പട്ടേലിനെ ബി.ജെ.പി. ആദരിച്ചപ്പോഴാണ് ആ പേരുതന്നെ കോണ്‍ഗ്രസുകാര്‍ ഓര്‍ക്കുന്നത്.
 അത് അവര്‍ വിവാദമാക്കുകയും ചെയ്തു. അധികാരത്തിന്റെ മത്തുപിടിച്ച് ഗാന്ധിജിയെ മറന്ന കോണ്‍ഗ്രസ് ഖാദിയേയും പുറത്താക്കിയെന്ന് അദ്ദേഹം ആരോപിച്ചു.