സെന്‍ട്രല്‍ ഹെല്‍ത്ത് സര്‍വീസിലും റെയില്‍വെയിലും ഉള്‍പ്പെടെ മെഡിക്കല്‍ ഒഴിവുകളിലേക്ക് യു.പി.എസ്.സി നടത്തുന്ന കംബൈന്‍ഡ് മെഡിക്കല്‍ സര്‍വീസ് പരീക്ഷയ്ക്ക് അപേക്ഷിക്കാം. ആകെ 827 ഒഴിവുകളുണ്ട്. എണ്ണത്തില്‍ മാറ്റം വരാം. ജൂലൈ 14നുള്ള പരീക്ഷയ്ക്ക് തിരുവനന്തപുരത്തും, കൊച്ചിയിലും പരീക്ഷ കേന്ദ്രങ്ങളുണ്ട്. ഏപ്രില്‍ 30 വരെ അപേക്ഷ നല്‍കാം. 

www.upsconline.nic.in 

തസ്തിക& ഒഴിവ്

കാറ്റഗറി 1

* സെന്‍ട്രല്‍ ഹെല്‍ത്ത് സര്‍വീസില്‍ മെഡിക്കല്‍ ഓഫീസര്‍ ഗ്രേഡ് (ജനറല്‍ ഡ്യൂട്ടി മെഡിക്കല്‍ ഓഫീസേഴേസ് സബ് കേഡര്‍) = 163 ഒഴിവുകള്‍. 

കാറ്റഗറി 2 

* റെയില്‍വേയില്‍ അസിസ്റ്റന്റ് ഡിവിഷനല്‍ മെഡിക്കല്‍ ഓഫീസര്‍ = 450 ഒഴിവുകള്‍. 

* ഡല്‍ഹി മുനിസിപ്പല്‍ കോര്‍പ്പറേഷനില്‍ ജനറല്‍ ഡ്യൂട്ടി മെഡിക്കല്‍ ഓഫീസര്‍ ഗ്രേഡ് 2 = 200 ഒഴിവുകള്‍. 

* ന്യൂ ഡല്‍ഹി മുനിസിപ്പല്‍ കൗണ്‍സിലില്‍ ജനറല്‍ ഡ്യൂട്ടി മെഡിക്കല്‍ ഓഫീസര്‍ = 14 ഒഴിവുകള്‍. 

യോഗ്യത 

* എം.ബി.ബി.എസ് ജയം.

* അവസാന വര്‍ഷ പരീക്ഷയെഴുതുന്നവരെയും പരിഗണിക്കും. 

പ്രായം

* 2024 ഓഗസ്റ്റ് ഒന്നിന് 32 വയസ് തികയരുത്. 

* പട്ടിക വിഭാഗക്കാര്‍ക്ക് അഞ്ചും, ഒബിസി വിഭാഗത്തിന് മൂന്നും ഭിന്നശേഷി വിഭാഗക്കാര്‍ക്ക് പത്തും വര്‍ഷ ഇളവുണ്ടായിരിക്കും. 

* വിമുക്തഭടന്‍മാര്‍ക്ക് നിയമാനുസൃത ഇളവുണ്ടായിരിക്കും. 

ഫീസ് 

• 200 രൂപ. 
  
  * എസ്.ബി.ഐ ശാഖയില്‍ നേരിട്ടോ, ഓണ്‍ലൈനായോ ഫീസടയ്ക്കാം. 
  
  * സ്ത്രീകള്‍ക്കും, പട്ടിക വിഭാഗക്കാര്‍ക്കും, ഭിന്നശേഷിക്കാര്‍ക്കും ഫീസില്ല.  

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക