ഉരുവച്ചാല്‍: വാഹനങ്ങള്‍ തലങ്ങും വിലങ്ങും നിര്‍ത്തിയിടുന്നതിനെത്തുടര്‍ന്ന് ഉരുവച്ചാലില്‍ ഗതാഗതകുരുക്ക് മുറുകുന്നു. നോ പാര്‍ക്കിങ് ബോര്‍ഡുണ്ടായിട്ടും വാഹനങ്ങള്‍ റോഡില്‍ നിര്‍ത്തിയിടുന്നതാണ് പ്രശ്‌നം കൂടുതല്‍ രൂക്ഷമാകുന്നത്.
വാഹനത്തിരക്കും ഗതാഗതക്കുരുക്കും മാറിയതോടെ നോപാര്‍ക്കിങ് ബോര്‍ഡ് മട്ടന്നൂര്‍ സി.ഐ യുടെ നേതൃത്വത്തില്‍ സ്ഥാപിക്കുകയും ഹോം ഗാര്‍ഡിനെ നിയമിക്കുകയും ചെയ്തിരുന്നു.
എന്നാല്‍ഹോംഗാര്‍ഡ് കുറച്ചു കാലംമാത്രമെത്തിയെങ്കിലും പിന്നീട് പിന്‍വലിച്ചു. കഴിഞ്ഞദിവസം രാത്രി ശിവപുരം റോഡില്‍ മത്സ്യഓട്ടോ ഉണ്ടാക്കിയ ഗതാഗതകുരുക്ക് പരിഹരിക്കാന്‍ ഒടുവില്‍ നാട്ടുകാര്‍ ഇടപെടേണ്ടി വന്നിരുന്നു.
പരിഹാരമുണ്ടാക്കാന്‍ സ്ഥിരം പൊലിസ് സംവിധാനം വേണമെന്നാണ് നാട്ടുകാരുടെ ആവശ്യം.