ന്യൂഡല്‍ഹി: 1999ലെ കാണ്ഡഹാര്‍ വിമനറാഞ്ചല്‍ നടന്നത് പാക് ചാരസംഘടന ഐ.എസ്.ഐയുടെ പിന്തുണയോടെയെന്ന് ദേശീയ സുരക്ഷാ ഉപദേഷ്ടാവ് അജിത് ഡോവല്‍. വിമാനം റാഞ്ചിയ താലിബാന്‍ തീവ്രവാദികള്‍ക്ക് പാക് പിന്തുണയുണ്ടായിരുന്നില്ലെങ്കില്‍ അന്ന് അത്ര പ്രതിസന്ധിയുണ്ടാകുമായിരുന്നില്ലെന്ന് ഡോവല്‍ പറഞ്ഞു. മീര മക്‌ഡൊണാള്‍ഡിന്റെ പുതിയ പുസ്തകത്തിന്റെ പ്രകാശന ചടങ്ങിലാണ് ഡോവല്‍ ഇക്കാര്യം പറഞ്ഞത്. 1999 ഡിസംബര്‍ 24നായിരുന്നു 180 പേരുമായി യാത്ര തിരിച്ച ഇന്ത്യന്‍ എയര്‍ലൈന്‍സിന്റെ കാഠ്മണ്ഡു-ഡല്‍ഹി ഐ.സി-814 വിമാനം അഞ്ച് താലിബാന്‍ തീവ്രവാദികള്‍ ചേര്‍ന്നു റാഞ്ചിയത്.