കൊച്ചി: യാത്രക്കാരിയോട് അപമര്യാദയായി പെരുമാറിയ ടി.ടി.ആര്‍ അറസ്റ്റില്‍. തിരുവനന്തപുരത്തേക്ക് പോവുകയായിരുന്ന മാവേലി എക്‌സ്പ്രസിലെ ടി.ടി.ആര്‍ കൊല്ലം ചന്ദനത്തോപ്പ് ഡ്രീം ഹൗസില്‍ നൗഷാദ് (52) ആണ് പിടിയിലായത്. വയനാട് സ്വദേശിനി നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്.
ടിക്കറ്റ് വെയ്റ്റിങ് ലിസ്റ്റിലാണെന്ന് അറിയിച്ചതിനെ തുടര്‍ന്ന് ടി.ടി.ആര്‍ സ്വന്തം സീറ്റ് നല്‍കുകയും പിന്നീട് അപമര്യാദയായി പെരുമാറുകയുമായിരുന്നുവെന്ന് പരാതിയില്‍ പറയുന്നു. സംഭവം നടന്നയുടന്‍ ഇവര്‍ ട്രെയിനില്‍ ഡ്യൂട്ടിയിലുണ്ടായിരുന്ന പൊലിസുകാര്‍ക്ക് പരാതി നല്‍കിയിരുന്നു. തുടര്‍ന്ന് ട്രെയിന്‍ ആലപ്പുഴയിലെത്തിയപ്പോഴാണ് അറസ്റ്റ് ചെയ്തത്. ടി.ടി.ആര്‍ മദ്യലഹരിയിലായിരുന്നുവെന്ന് പൊലിസ് അറിയിച്ചു.