ദോഹ: ചാലിയാര്‍ ദോഹയുടെ നേതൃത്വത്തില്‍ 'സഹവാസം 2017' എന്ന പേരില്‍ സംഘടിപ്പിച്ച കുടുംബങ്ങളും കുട്ടികളോടുമൊപ്പമുള്ള പരിസ്ഥിതി പഠനയാത്ര അല്‍ ദോസരി പാര്‍ക്കില്‍ സമാപിച്ചു. പരിസ്ഥിതി പ്രവര്‍ത്തകന്‍ ഹാമിദലി വാഴക്കാട് നേതൃത്വം നല്‍കി.
ദോഹയിലെ വിവിധ ഇന്ത്യന്‍ സ്‌കൂളുകളിലെ സയന്‍സ് ക്ലബില്‍നിന്നും തെരഞ്ഞെടുക്കപ്പെട്ട 50ലധികം വിദ്യാര്‍ഥികള്‍ക്ക് പ്രത്യേക പഠന ക്ലാസും നടന്നു. വിവിധ മരങ്ങളും അവയുടെ ഫലങ്ങളും പക്ഷികളും അവയുടെ ആവാസ വ്യവസ്ഥയും കാലാവസ്ഥാ വ്യതിയാനവും ഉള്‍പ്പെടെ നിരവധി വിഷയങ്ങളില്‍ ഹാമിദലി വിദ്യാര്‍ഥികളുമായി സംവദിച്ചു.