കോട്ടും സൂട്ടും ബൂട്ടും തൊപ്പിയും  അണിഞ്ഞ് നീളന്‍ മീശയും പിരിച്ച് കലോത്സവനഗരിയില്‍ ചെപ്പടി വിദ്യയുമായി 77കാരന്‍.

കൊല്ലം അഷ്ടമുടി സ്വദേശിയായ എസ് ഗോപിനാഥന്‍ പിള്ള എന്ന കൊല്ലം പിള്ള  ഇന്ത്യയിലെ നഗരങ്ങളും ഗ്രാമങ്ങളും താണ്ടി കലോത്സവനഗരിയിലുമെത്തിയിരിക്കുന്നത്.

പ്രശസ്ത മാന്ത്രികന്‍ എസ് ശങ്കരപിള്ളയുടെയും കുഞ്ഞമ്മയുടെയും എട്ടാമത്തെ മകനായ പിള്ള മാന്ത്രിക വിദ്യയുമായി ഇന്ത്യയിലെ എല്ലാ സംസ്ഥാനവും ചുറ്റി സഞ്ചരിച്ചിട്ടുണ്ട്.

അതുകൊണ്ടുതന്നെ എട്ടുഭാഷയും വശമാണ്. കയ്യിലുള്ള രണ്ട് കമ്പി കഷ്ണം കൊണ്ട് ഊരാകുടുക്കുണ്ടാക്കി കാണികളോട് അഴിക്കാന്‍ പറയും.

കാണികള്‍ ഇത് അഴിക്കുന്നതിനിടയില്‍ കയറിനെ വടിയാക്കിയും തുണിയുടെ നിറം മാറ്റിയും ഇദ്ദേഹത്തിന്റെ മാജിക് ഷോയും തുടങ്ങി.

കേരള പര്യടനത്തില്‍ കൂടതലും കുട്ടികളില്‍ ക്ഷമയും ബുദ്ധിവികാസത്തിനും കമ്പികൊണ്ടുള്ള ഊരകുടക്ക് സഹായിക്കുമെന്നത് കൊണ്ട് സ്‌കുളുകള്‍ കേന്ദ്രീകരിച്ചാണ് ഇദ്ദേഹം നടത്തുന്നത്. താന്‍ മായജാലവുമായെത്തിയ സ്‌കൂളുകളിലെ വിദ്യാര്‍ഥികളും അധ്യാപകരും പിള്ളചേട്ടന്റെ വിദ്യകളുടെ ചുരുളുകളയിക്കാനെത്തി. ഇതോടെ മറ്റുള്ളവരും പിള്ളുചേട്ടന്റെ മാന്ത്രികവിദ്യയുടെ അറിയാനെത്തി.

മാന്ത്രീകവിദ്യയുടെ ചുരുളകളോടൊപ്പം ഉപകരണങ്ങളും പിള്ളചേട്ടന്‍ നല്‍കും. ഇതാണ് പിള്ളചേട്ടന്റെ ഉപജീവനവും. ഭാരതകലകളായി അറിയപ്പെടുന്ന 64ഇനങ്ങളില്‍ ഒന്നായ മാന്ത്രിക വിദ്യയെയും മംഗലം കളിയും വട്ടകളിയും പോലെ ജാലവിദ്യയുംകലോത്സവത്തില്‍ ഉള്‍പ്പെടുത്തണമെന്നാണ് പിള്ളുവേട്ടന്റെ ആഗ്രഹം.