തിരുവനന്തപുരം:10 വര്‍ഷത്തിലധികം പഴക്കമുള്ള ഡീസല്‍ വാഹനങ്ങള്‍ക്ക് നിയന്ത്രണം ഏര്‍പ്പെടുത്താനുള്ള നീക്കത്തിനെതിരെ കേരളം സുപ്രിംകോടതിയെ സമീപിക്കുന്നു. ഹരിത ട്രൈബൂണല്‍ വിധിക്കെതിരെയാണ് സര്‍ക്കാര്‍ കോടതിയെ സമീപിക്കാന്‍ ഒരുങ്ങുന്നത്. ഇതു സംബന്ധിച്ച് ട്രാന്‍സ്‌പോര്‍ട്ട് കമ്മിഷ്ണര്‍ ടോമിന്‍ തച്ചങ്കരി മുഖ്യമന്ത്രി പിണറായി വിജയനെ കണ്ടു ചര്‍ച്ച നടത്തി.
വിലക്ക് ഏര്‍പ്പെടുത്തുമ്പോള്‍ അത് കെ.എസ്.ആര്‍.ടി.സി ഉള്‍പ്പെടെയുള്ള വാഹനങ്ങളെ ബാധിക്കുമെന്ന ആശങ്ക നിലനില്‍ക്കെയാണ് സര്‍ക്കാര്‍ കോടതിയെ സമീപിക്കുന്നത്.
കേരളത്തിലെ പ്രധാന നഗരങ്ങളില്‍ പത്ത് വര്‍ഷത്തിലധികം പഴക്കമുള്ള വാഹനങ്ങള്‍ ഓടിക്കുന്നതിനാണ് വിലക്ക് ഏര്‍പ്പെടുത്തിയത്. ഒരു വര്‍ഷത്തിനുള്ളില്‍ വിധി നടപ്പാക്കണമെന്നാണ് ട്രിബൂണല്‍ സര്‍ക്കാരിനോട് ആവശ്യപ്പെട്ടിട്ടുള്ളത്. ഉത്തരവ് ലംഘിച്ചാല്‍ 5000 രൂപ പിഴയായി ഈടാക്കും.