ഇംഫാല്‍: മണിപ്പൂര്‍ തെരഞ്ഞെടുപ്പില്‍ ബി.ജെ.പിയുടെ ആദ്യഘട്ട പട്ടിക ഇന്ന് പുറത്തിറക്കും. പാര്‍ലമെന്ററി പാര്‍ട്ടി യോഗം ചേര്‍ന്ന ശേഷമാണ് പട്ടിക പുറത്തിറക്കുകയെന്ന് ബി.ജെ.പി സംസ്ഥാന പ്രസിഡന്റ് കെ. ബാബാനന്ദ അറിയിച്ചു.
കേന്ദ്ര ആഭ്യന്തര മന്ത്രി രാജ് നാഥ് സിങ്, ബി.ജെ.പി ദേശീയ അധ്യക്ഷന്‍ അമിത് ഷാ തുടങ്ങിയവരുടെ നേതൃത്വത്തിലാണ് പാര്‍ലമെന്ററി പാര്‍ട്ടി യോഗം ചേരുന്നത്.
പാര്‍ട്ടി സംസ്ഥാനകമ്മിറ്റി നല്‍കിയ ലിസ്റ്റ് പരിഗണിച്ചാണ് സ്ഥാനാര്‍ഥികളെ തെരഞ്ഞെടുക്കുന്നത്. സ്ഥാനാര്‍ഥികളില്‍ സ്ത്രീ പ്രാതിനിധ്യവും ഉണ്ടാകുമെന്നാണ് വിവരം. അതേസമയം മുഖ്യമന്ത്രി സ്ഥാനാര്‍ഥി ആരായിരിക്കുമെന്ന കാര്യത്തില്‍ വ്യക്തമായ വിവരങ്ങള്‍ വെളിപ്പെടുത്താന്‍ സംസ്ഥാന പ്രസിഡന്റ് തയാറായില്ല.