കൊടുവള്ളി: കൊടുവള്ളിയില്‍ പ്രവര്‍ത്തിച്ചിരുന്ന റെയില്‍വേ ടിക്കറ്റ് റിസര്‍വേഷന്‍ കൗണ്ടണ്ടര്‍ അടച്ചുപൂട്ടിയ നടപടി പുനപരിശോധിക്കണമെന്നും കൗണ്ടണ്ടര്‍ ഉടന്‍ പുനസ്ഥാപിക്കണമെന്നും ഐ.എന്‍.എല്‍ കൊടുവള്ളി മണ്ഡലം കമ്മിറ്റി ആവശ്യപ്പെട്ടു. എം.കെ രാഘവന്‍ എം.പിക്ക് ഇതു സംബന്ധിച്ച നിവേദനം നല്‍കാനും തീരുമാനിച്ചു. കോതൂര്‍ മുഹമ്മദ് ഉദ്ഘാടനം ചെയ്തു. മണ്ഡലം പ്രസിഡന്റ് സി.പി അബ്ദുള്ളക്കോയ തങ്ങള്‍ അധ്യക്ഷനായി. ഒ.പി അബ്ദുറഹ്മാന്‍, വഹാബ് മണ്ണില്‍ക്കടവ്, പി.കെ സുലൈമാന്‍, സി.പി നാസര്‍കോയ തങ്ങള്‍, എ.പി മുസ്തഫ, സിദ്ധീക് സംസാരിച്ചു.