കാസര്‍കോട്: കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ തുടങ്ങിയ കന്നഡ മീഡിയം ടീച്ചേഴ്‌സ് ഓര്‍ഗനൈസേഷന്‍ സംസ്ഥാന സമ്മേളനം എന്‍.എ നെല്ലിക്കുന്ന് എം.എല്‍.എ ഉദ്ഘാടനം ചെയ്തു. സംസ്ഥാന പ്രസിഡന്റ് ടി.ഡി സദാശിവ റാവു അധ്യക്ഷനായി. എം.എസ് വെങ്കിട്ട രാമയ്യ, എസ്.വി ഭട്ട്, മുരളീധര ബെള്ളൂരായ, നവീണ്‍കുമാര്‍ റായി, എം പത്മാവതി, കെ സുബ്രഹ്മണ്യഭട്ട് സംസാരിച്ചു. തുടര്‍ന്നു വിവിധ കന്നഡ സംഘടകളുമായി ചര്‍ച്ചയും പ്രതിനിധി സമ്മേളനവും നടന്നു. സമ്മേളനത്തിനു മുന്നോടിയായി നഗരത്തില്‍ പ്രകടനവും നടന്നു. ഇന്നു ഭാഷാ ന്യൂനപക്ഷങ്ങളെക്കുറിച്ചുള്ള സെമിനാറും വൈകീട്ട് സമാപന സമ്മേളനവും നടക്കും.