ചപ്പാരപ്പടവ്: ഫെബ്രുവരി 23 മുതല്‍ 26 വരെ നടക്കുന്ന ഇര്‍ഫാനിയ രജതജൂബിലിയുടെ പ്രചരണാര്‍ഥം ഇര്‍ഫാനിയ ദഅവാ സംഘം മഞ്ചേശ്വരം മുതല്‍ മണ്ണാര്‍ക്കാട് വരെ നടത്തുന്ന സന്ദേശയാത്രയുടെ ജില്ലയിലെ പ്രചാരണം നാളെ സമാപിക്കും. നാളെ വൈകുന്നേരം ആറിന് കണ്ണൂര്‍ സിറ്റിയില്‍ പൊതുസമ്മേളനം അസ്‌ലം തങ്ങള്‍ അല്‍മശ്ഹൂര്‍ ഉദ്ഘാടനം ചെയ്യും. രാമന്തളി, പെരുമ്പ, ആലക്കാട്, ശ്രീകണ്ഠപുരം, തളിപ്പറമ്പ്, ചുടല, ഇരിക്കൂര്‍ എന്നിവിടങ്ങളില്‍ യാത്ര പര്യടനം പൂര്‍ത്തിയാക്കി. ഇന്ന് ഇരിട്ടിയില്‍ നിന്നാരംഭിച്ച് മട്ടന്നൂരില്‍ സമാപിക്കും. സമാപനസമ്മേളനം അബ്ദുറഹ്മാന്‍ കല്ലായി ഉദ്ഘാടനം ചെയ്യും.
വിവിധ കേന്ദ്രങ്ങളില്‍ നടന്ന സ്വീകരണങ്ങളില്‍ സലീം ഫൈസി ഇര്‍ഫാനി, എസ്.കെ ഹംസ ഹാജി, ശരീഫ് ഫൈസി ഇര്‍ഫാനി, കെ.കെ മുഹമ്മദ് ദാരിമി, സിറാജുദീന്‍ ദാരിമി കക്കാട്, അബ്ദുല്ല ഫൈസി കൊതേരി, ഹാഷിര്‍ ഇര്‍ഫാനി, അഷ്‌റഫ് തളിപ്പറമ്പ്, അഷ്‌റഫ് കൊയിലാണ്ടി, നമീര്‍ കരിമ്പം സംസാരിച്ചു.