വാഷിങ്ടണ്‍: അമേരിക്കന്‍ പ്രസിഡന്റായി ഡൊണാള്‍ഡ് ട്രംപ് സ്ഥാനമേറ്റതിന് പിന്നാലെ ഒബാമ കെയര്‍ മരിവിപ്പിക്കുന്ന ഉത്തരവില്‍ ഡൊണള്‍ഡ് ട്രംപ് ഒപ്പുവെച്ചു. അധികാരമേറ്റെടുത്തതിന് പിന്നാലെ ട്രംപ് പുറപ്പെടുവിക്കുന്ന ആദ്യ ഉത്തരവാണിത്.

തെരഞ്ഞെടുപ്പ് പ്രചാരണ വേളയില്‍ തന്നെ ഒബാമ നടപ്പിലാക്കിയ ഒബാമ കെയര്‍ നിര്‍ത്തലാക്കുമെന്ന് ട്രംപ് പ്രഖ്യാപിച്ചിരുന്നു. പകരം പദ്ധതി കൊണ്ടുവരുമെന്നും ട്രംപ് വാഗ്ദാനം നല്‍കിയിരുന്നു.

അമേരിക്കയിലെ ജനങ്ങളുടെ ആരോഗ്യക്ഷേമം മുന്‍ നിര്‍ത്തി ഒബാമ നടപ്പാക്കിയ പദ്ധതിയായിരുന്നു ഒബാമ കെയര്‍. രണ്ടു കോടിയിലധികം വരുന്ന പൗരന്മാര്‍ക്കാണ് ഒബാമ കെയര്‍ പദ്ധതിയുടെ ആനുകൂല്യം ലഭിച്ചിരുന്നത്.