പുതുക്കാട്: കണ്ണൂര്‍ കൈരളി ബുക്‌സ് പ്രസിദ്ദീകരിക്കുന്ന ചെങ്ങാലൂര്‍ സ്വദേശി ഗോപകുമാര്‍ നീലങ്ങാട്ടിന്റെ ചെറുകഥാ സമാഹാരങ്ങളുടെ പ്രകാശനം ഞായറാഴ്ച നടക്കും. 15 ചെറുകഥകള്‍ അടങ്ങിയ 'മാലി'ക്ക് അവതാരിക എഴുതിയിരിക്കുന്ന പ്രൊഫ. സാറ ജോസഫ് തന്നെയാണ് പുസ്തക പ്രകാശനം നിര്‍വഹിക്കുന്നത്.
കവി വര്‍ഗ്ഗീസ് ആന്റണി പുസ്തകത്തിന്റെ ആദ്യ പ്രതി സ്വീകരിക്കും. ഞായറാഴ്ച രാവിലെ 10 ന് ചെങ്ങാലൂര്‍ സെന്റ് മേരീസ് ഹൈസ്‌കൂളില്‍ നടക്കുന്ന ചടങ്ങില്‍ പുതുക്കാട് പഞ്ചായത്ത് പ്രസിഡന്റ് അമ്പിളി ശിവരാജന്‍ അധ്യക്ഷയാവും. ഈ സ്‌കൂളില്‍ നിന്നും കഴിഞ്ഞ എസ്.എസ്.എല്‍.സി പരീക്ഷയില്‍ മുഴുവന്‍ എ പ്ലസ് നേടിയ വിദ്യാര്‍ഥികളെ ചടങ്ങില്‍ അനുമോദിക്കും.