മസ്‌കത്ത്: ഒമാനിലെ മസ്‌കത്ത് റെയ്ഞ്ച് ജംഇയ്യത്തുല്‍ മുഅല്ലിമീന്‍ ഫലജില്‍ വച്ച് സംഘടിപ്പിച്ച ബാത്വിന മേഖല മദ്‌റസാ വിദ്യാര്‍ഥികളുടെ കലാമത്സരം 'മുസാബഖ2017' സമാപിച്ചു. ഫലജ് സുന്നി സെന്റര്‍ സ്‌പോണ്‍സര്‍ ചെയ്ത പ്രോഗ്രാം സംഘാടന മികവ് കൊണ്ടും ഒമ്പത് മദ്‌റസ വിദ്യാര്‍ഥികള്‍, അധ്യാപകര്‍, രക്ഷിതാക്കള്‍ തുടങ്ങിവരുടെ മുഴുസമയ പ്രാധിനിത്യം കൊണ്ടും ശ്രദ്ധേയമായി.

ഒമ്പത് മദ്‌റസകളില്‍ നിന്ന് ഏറ്റവും കൂടുതല്‍ പോയിന്റ് നേടി നുസ്‌റത്തുല്‍ ഇസ്‌ലാം സോഹാര്‍, മിസ്ബാഹുല്‍ അനാം മുസന്ന, ശിഹാബ് തങ്ങള്‍ മദ്‌റസ സഹം എന്നീ മദ്‌റസകള്‍ ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി.

മത്സര പരിപാടികള്‍ മസ്‌കറ്റ് റൈഞ്ച് ആക്റ്റിങ് പ്രസിഡണ്ട് സയ്യിദ് ത്വാഹ ജിഫ്രി തങ്ങള്‍ ഉദ്ഘാടനം ചെയ്തു. അബ്ദുല്‍ ജലീല്‍ ഹുദവി,സകീര്‍ ഹുസൈന്‍ ഫൈസി, യൂസുഫ് അസ്അദി, മോയിന്‍ ഫൈസി, സുനീര്‍ ഫൈസി എന്നിവര്‍ വിധികര്‍ത്താക്കളായിരുന്നു. അബ്ദുസമദ് ഫൈസി സോഹാര്‍, അശ്‌റഫ് ശബാബ് അല്‍ ഖലീജ്, ശംസുദ്ധീന്‍ വടകര , നവാസ് മൈക്രോ, അബ്ദുല്‍ റഹീം കരിപ്പൂര്‍, ഹുസൈന്‍ വടകര ,ഹസ്സന്‍ ബാവ ദാരിമി നേതൃത്വം നല്‍കി. വിജയികള്‍ക്കുള്ള ട്രോഫി അല്‍ജസീറ ബാവ ഹാജി സമ്മാനിച്ചു. ബാത്വിന മേഖല മുസാബഖ കണ്‍വീനര്‍ അബ്ദുലത്തീഫ് മുസ്‌ലിയാര്‍ സ്വാഗതവും എഞ്ചിനീയര്‍ അബ്ദുല്‍ കരീം നന്ദിയും പറഞ്ഞു.