ജിദ്ദ: ഗ്വാണ്ടനാമോ തടവറയില്‍നിന്ന് ഒരു സഊദി യുവാവിനെ കൂടി സഊദിക്ക് കൈമാറി. ഒബാമ സ്ഥാനമൊഴിയുന്നതിന്റെ ദിവസമാണ് ഒരു തടവുകാരനെ കൂടി കൈമാറിയത്. സഊദി തടവുകാരനായ ജിബ്്‌റാന്‍ അല്‍ഖഹ്ത്താനി ആണ് സഊദിയിലെത്തിയത്.
15 വര്‍ഷം മുന്‍പ് ഗ്വാണ്ടനാമോയില്‍ എത്തിയ ജിബ്‌റാന്‍ അല്‍ഖഹ്ത്താനിയെ സ്വീകരിച്ചതായി ആഭ്യന്തര മന്ത്രാലയം അറിയിച്ചു. റിയാദ് കിങ് ഖാലിദ് എയര്‍പോര്‍ട്ടിലെത്തിയ ജിബ്‌റാന്‍ അല്‍ഖഹ്ത്താനിയെ സന്ദര്‍ശിക്കുന്നതിന് ബന്ധുക്കള്‍ക്ക് അവസരമൊരുക്കി. ജിബ്‌റാന്‍ അല്‍ഖഹ്ത്താനിയെ പ്രിന്‍സ് മുഹമ്മദ് ബിന്‍ നാഇഫ് കൗണ്‍സിലിങ് സെന്ററില്‍ പ്രവേശിപ്പിക്കുമെന്ന് ആഭ്യന്തര മന്ത്രാലയം പറഞ്ഞു.