കല്‍പ്പറ്റ: സംസ്ഥാന സ്‌പോര്‍ട്‌സ് കൗണ്‍സിലിന്റെ കീഴില്‍ വിവിധ ജില്ലകളില്‍ പ്രവര്‍ത്തിക്കുന്ന സ്‌കൂള്‍, പ്ലസ്‌വണ്‍, കോളജ് സ്‌പോര്‍ട് ഹോസ്റ്റലുകളിലേക്കും, സെന്‍ട്രലൈസ്ഡ് സ്‌പോര്‍ട്‌സ് ഹോസ്റ്റലുകളിലേക്കും 2018-19 അധ്യയന വര്‍ഷത്തേക്കുള്ള ഹോസ്റ്റല്‍ തെരഞ്ഞെടുപ്പ് ഈമാസം ആറിന് മാനന്തവാടി ഗവ.വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ നടക്കുമെന്ന് സ്‌പോര്‍ട്‌സ് കൗണ്‍സില്‍ ജില്ലാ ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
അത്‌ലറ്റിക്‌സ്, ഫുട്‌ബോള്‍, വോളിബോള്‍, ബാസ്‌ക്കറ്റ്‌ബോള്‍, ഹാന്റ്ബാള്‍, കബഡി, ഖോ-ഖോ എന്നീ ഇനങ്ങളിലായിരിക്കും ജില്ലാതല തെരഞ്ഞെടുപ്പ്.
പങ്കെടുക്കാന്‍ ആഗ്രഹിക്കുന്ന കായിക താരങ്ങള്‍, ജനന തിയതി, പഠിക്കുന്ന ക്ലാസ് എന്നിവ തെളിയിക്കുന്ന സാക്ഷ്യപത്രം, സ്‌പോര്‍ട്‌സ് കിറ്റ് എന്നിവ സഹിതം ജനുവരി ആറിന് രാവിലെ ഒന്‍പതിന് മുന്‍പായി മാനന്തവാടി ഗവ.വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍ ഹാജരാകണമെന്ന് വാര്‍ത്താ സമ്മേളനത്തില്‍ പങ്കെടുത്ത ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം മധു, സെന്‍ട്രലൈസ്ഡ് സ്‌പോട്‌സ് ഹോസ്റ്റല്‍ കോച്ച് ടി ത്വാലിബ്, അസിസ്റ്റന്റ് സെക്രട്ടറി ടി സതീശ്കുമാര്‍ അറിയിച്ചു.