ന്യൂഡല്‍ഹി: സയ്യിദ് മുഷ്താഖ് അലി ട്രോഫി ടി20 ടൂര്‍ണമെന്റിനുള്ള ഡല്‍ഹി ടീമില്‍ ഇന്ത്യന്‍ താരങ്ങളായ ശിഖര്‍ ധവാന്‍, ഇഷാന്ത് ശര്‍മ എന്നിവര്‍ ഇടംപിടിച്ചു. ഗൗതം ഗംഭീറാണ് ടീമിനെ നയിക്കുന്നത്. ഇംഗ്ലണ്ടിനെതിരായ ടി20 പരമ്പരയ്ക്കുള്ള ഇന്ത്യന്‍ ടീമില്‍ ഇടംപിടിച്ച റിഷഭ് പന്തിനു പകരം അര്‍ജുന്‍ ഗുപ്ത വിക്കറ്റ് കീപ്പറാകും. ഇന്ത്യന്‍ ഏകദിന ടീമിലേക്ക് മടങ്ങിയെത്തിയെങ്കിലും മങ്ങിയ ഫോം തുടരുന്ന ശിഖര്‍ ധവാന് തിരിച്ചു വരാനുള്ള അവസരമാണ് ടൂര്‍ണമെന്റ്.